Root Network

Women in Tourism Fellowship application

Apply to the Women in Tourism Fellowship
Agli deadline

Gilgit - 31 July, 2021

Root Network Women in Tourism Fellowship, sayahat mein daakhil hone ki dilchaspi rakhne wali khawateen graduates aur nojawan khawateen ke liye 15-din ki skill development training hai.

Is training mein aap classroom aur field training ke zariye Pakistan ke sayahat ke shobay mein kaam karne ke liye zaroori maharaat, zaatti ihtemad, karobari aur practical taleem haasil karein gi. Yahan khas tawwajoh tour guiding, hotel aur homestay management par ki jaye gi

Aap doosri hum khayaal khawateen se mil kar un ke tajurbaat se seekhen gi aur sayahat ke shobay mein kaam karne ke liye apne ilm, salahiyaton aur aetmaad mein izafah karein gi. 

Training ke baad, aap ko mentors ki pesha warana madad miley gi, sayahat ke shobay mein kaam karne ke mawaqay tak jari rasai, aur apne career ke aaghaz mein customers se rabita qaim karne mein madad haasil ho gi.

Kaun apply kar sakte hain?

  • 18 saal se ziyada umar ki khawateen jo sayahat mein kaam karne mein gehri dilchaspi rakhti hon.
  • Neeche diye gaye mein se kisi aik maqam par 2 hafton ki tarbiyat ka paband hona zaroori hai (training calendar dekhiye). Full attendance tamam participants ke liye zaroori hai. Root Network tamaam programme ke doraan rahaish aur transport ke akhrajaat pooray karay ga.
  • Bunyaadi English jaanna zaroori hai

Ahem note:Taleem ya kaam ka tajurbah hamaray liye ahem nahi hai jab tak ke aap PakistanI sayahat mein career shuru karne ke liye dilchaspi aur azm rakhti hon.

* Participants ko mulki aur ghair mulki tourists ke sath kaam karne ke liye angrezi aur urdu mein tarbiyat di jaye gi.

Training calendar

Location

Dates

Application deadline

Gilgit

September 2021

31 July, 2021

Application deadline: 31 July, 2021

Islamabad

November 2021

TBD - 6 weeks prior

Application deadline: TBD - 6 weeks prior

Lahore

January 2022

TBD - 6 weeks prior

Application deadline: TBD - 6 weeks prior

Karachi

March 2022

TBD - 6 weeks prior

Application deadline: TBD - 6 weeks prior

Chitral

May 2022

TBD - 6 weeks prior

Application deadline: TBD - 6 weeks prior

Trainings ki tareekhen mulk ke halaat aur participants ki dasteyabi ki bunyaad par tabdeel hosakti hain. Barah e karam mazeed maloomat ke liye hamari website visit karte rahain. Training ke maqamat ki tafseelaat baad mein jari ki jayen gi. Hamara maqsad har aik ko baakhabar rakhna hai aur agar kuch badla jata hai to bar waqt notice den ge.

Apply karnay ka tareeqa

Online darkhwast : Aap online form par Women in Tourism Fellowship ke liye apply karsakti hain.

Agar aap kaghazi tareekey se darkhwast dena chahti hain to iss mukammal form ka scan ya wazeh tasaveer le kar humein jama karaskti hain. Scans/tasaveer ko hamaray parhnay ke liye wazeh rakhein.

  • Email [email protected], Subject: [App ka naam, location, WiT Application].
  • Whatsapp +92 348-2739383, [App ka naam, location, WiT Application]

Misaal: “Sumaira Ali, Gilgit, WiT Application”

Aap aj online par apply karsakti hain.
Agli deadline

Gilgit - 31 July, 2021

Sawaalat hain?